fbpx

Санал гомдол хүлээн авах, барагдуулах журам

НЭГ. ЗОРИЛГО

Хэрэглэгч, сонирхогч талаас компанийн бүтээгдэхүүн, үйлчилгээтэй холбоотой ирүүлсэн санал хүсэлт, өргөдөл гомдлыг  хүлээн авах, шийдвэрлэх үйл ажиллагааг зохицуулахад  оршино.

ХОЁР. ХАМРАХ ХҮРЭЭ

Компаний бүтээгдэхүүн үйлчилгээг хэрэглэгч, үйлдвэрлэлийн харилцаанд оролцогч дотоод гадаад сонирхогч бүх талууд хамааралтай.

ГУРАВ. САНАЛ ГОМДОЛ ХҮЛЭЭН АВАХ

3.1 Компани болон бүтээгдэхүүнтэй холбоотой санал гомдол хүсэлтийг доорх сувгуудаар хүлээн авна.

  • Утсаар ярих: 72888080
  • Бичгээр ирүүлэх: Салон дээр биечлэн авчирч өгөх
  • Цахим шуудангаар илгээх: УБ хот, БГД, GEM PALACE Худалдааны төв. 15 давхар. 1502 тоот
  • Пэйж хуудсаар дамжуулах: Baekseol beauty компани 

3.2 Дээрхи хэлбэрүүдээр ирсэн санал, гомдлыг хүлээн авсан хүн  холбогдох ажилтан болон чанарын менежерт нэн даруй мэдэгдэнэ.

3.3  Чанарын менежер нь  гомдол, мэдээллийг  хүлээн  авч, гомдол гаргагчтай холбогдон,  гомдол барагдуулах асуудлыг шийдвэрлэнэ.

ДӨРӨВ. САНАЛ ХҮСЭЛТ, ӨРГӨДӨЛ ГОМДЛЫГ ШИЙДВЭРЛЭХ

4.1 Санал хүсэлт, өргөдөл гомдлыг хүлээн авсан ажилтнууд хүлээн авсан өдрөөс хойш дараах хугацаанд багтаан хянан шийдвэрлэнэ.

4.1.1. Шууд шийдвэрлэх боломжтой нэмэлт баримт, мэдээлэл бүрдүүлэх шаардлагагүй, өөрт байгаа мэдээлэл, олгогдсон эрх үүргийн хүрээнд шийдвэрлэх гомдлыг ажлын 4 цагийн дотор;

4.1.2. Шийдвэрлэх хугацаа шаардлагатай санал хүсэлт, өргөдөл гомдлыг албан бичгээр хариу өгч, дараах хугацаанд шийдвэрлэнэ.

  • Нэмэлт баримт мэдээлэл бүрдүүлэх, өөр байгууллага, албан тушаалтнаас тодруулга, лавлагаа авч судалж шийдвэрлэх гомдлыг 72 цагийн дотор;
    • Хянаж магадлах шаардлагатай, газар дээр нь нягтлан шалгах, судалгаа хийх, мэргэжлийн байгууллагын дүгнэлт гаргуулах шаардлагатай гомдлыг анх бүртгэсэн өдрөөс хойш ажлын 15 хоногийн дотор хэрэглэгчтэй холбогдон явцыг тайлагнан ажиллана.
    • Үндэслэлтэй гомдол болох нь нотлогдсон тохиолдолд Чанарын багт танилцуулан шийдвэрлүүлэх арга хэмжээ авна.

ТАВ. САНАЛ ХҮСЭЛТ, ӨРГӨДӨЛ ГОМДЛЫГ БАРАГДУУЛАХ

5.1. Чанарын менежер нь бүтээгдэхүүн, үйлчилгээтэй холбоотой өргөдөл гомдлын талаарх  асуудлыг судлан үзэж, хэрэглэгчтэй биечлэн уулзан, гомдлыг түргэн шуурхай барагдуулах үүрэг хүлээж, нэгдсэн бүртгэлийг хөтөлж, Чанарын багийн хурлаар танилцуулна. “Хавсралт№2 Санал хүсэлт, өргөдөл гомдлын нэгдсэн бүртгэл”

5.2. Бүтээгдэхүүний чанартай холбоотой өргөдөл гомдлын талаарх асуудлыг судлан үзэж, гомдлыг барагдуулах чиглэлээр холбогдох ажилтнуудтай хамтран мөшгөлт хийж уг гомдлыг үнэн эсэхийг тогтооно. Шаардлагатай бол хөндлөнгийн итгэмжлэгдсэн лабораторийн шинжилгээгээр баталгаажуулна. 

5.3. Илрүүлсэн шалтгааныг үндэслэн шаардлагатай тохиолдолд Гүйцэтгэх захирал холбогдох арга хэмжээг авч энэ тухай хэрэглэгчдэд мэдээлнэ.

5.4. Хэрэглэгчдэд хариуг амаар, харилцах утсаар мэдэгдсэн бол энэ тухайгаа бүртгэлд тэмдэглэж, баримтжуулж ажиллана

ЗУРГАА. МОНИТОРИНГ, ДҮН ШИНЖИЛГЭЭ ХИЙХ

6.1. Чанарын баг нь хэрэглэгчээс гаргасан өргөдөл гомдлын үл тохирлын эх үүсвэр шалтгааныг нарийвчлан тогтоож,  залруулах сайжруулах арга хэмжээг тодорхойлон хэрэгжүүлнэ

6.2. Ирсэн санал гомдлын мөрөөр  дотоод аудит явуулах эсэхийг чанарын менежер шийдэх ба шаардлагатай бол аудит хийж, тайланг удирдлагын дүн шинжилгээ (УДШ)-ний хурлаар хэлэлцүүлнэ

6.3. Чанарын баг нь  жил бүрийн 11 сард Хэрэглэгчийн гомдол санал шйидвэрлэлийн тайланг боловсруулан, УДШ-ны оролт болгон авч үзнэ.